Gulistondagi chorrahada haydovchilar yo‘l talashib mushtlashdi
Holatga viloyat IIB izoh berdi.
Ijtimoiy tarmoqlarda Sirdaryo viloyatining Guliston shahridagi chorrahada haydovchilar yo‘l talashib, o‘zaro janjallashgani aks etgan video tarqaldi. Holatga viloyat IIB munosabat bildirdi.
Qayd etilishicha, mazkur hodisa 2022-yilning 31-dekabr kuni Guliston shahrining “O‘zbekiston” shohko‘chasi va Xondamir ko‘chasi kesishmalarida sodir bo‘lgan.
IIB masʼul xodimlari voqea joyiga yetib borib, ishtirokchilarning shaxsiga aniqlik kiritgan. Hozirda tergovga qadar tekshiruv ishlari olib borilmoqda.
“Aybdorlarga qonuniy chora ko‘rilib, qonun ustuvorligi taʼminlanadi”, — deyiladi xabarda.
