Kantega yana shartnoma taklif qilindi
U 2026-yilgacha.
“Chelsi”ning fransiyalik yarim himoyachisi NʼGolo Kante “aristokratlar” bilan shartnomasini 2026 yilgacha uzaytirishi mumkin. Bu haqda taniqli italiyalik jurnalist Nikolo Shira o‘zining twitter sahifasida maʼlum qildi.
Manbaga ko‘ra, “Chelsi” o‘z yarim himoyachisi bilan yangi shartnoma borasida muzokaralarni davom ettirmoqda. Kantening London klubi bilan amaldagi shartnomasi 2023 yilning iyun oyi oxirida tugaydi.
31 yoshli fransiyalik futbolchi 2016-yildan buyon “Chelsi”da to‘p suradi. Umuman olganda, Kante ko‘klar safida 262 ta o‘yin o‘tkazib, 13 ta gol urdi va 15 ta golli uzatmani amalga oshirdi. “Chelsi” tarkibida futbolchi 2017 yilda Angliya chempioni bo‘ldi, mamlakat kubogi (2018), Yevropa ligasi (2019), Chempionlar ligasi (2021) va klublar o‘rtasidagi jahon chempionati (2022) g‘olibi bo‘ldi.
