Tibbiy chiqindilarni zararsizlantirishga milliardlab pul ajratiladi
Bugunga kelib 6,8 million tonna qattiq maishiy chiqindilarning 2,2 million tonnasi qayta ishlandi.
O‘zbekistonda qurilish chiqindi poligonlarini qurish uchun qariyb 28 milliard so‘m, tibbiyot chiqindilarini zararsizlantirish uchastkalarini qurish uchun esa 50 milliard so‘m mablag‘ moliyalashtiriladi.
Qayd etilishicha, 2023-2025-yillar davomida 29 ta qattiq maishiy chiqindi poligonlarini rekultivatsiya qilish, 437 ta chiqindi yig‘ish shoxobchalarini qurish rejalashtirilgan.
Quyidagi ishlar uchun 1,1 trillion so‘m mablag‘ moliyalashtiriladi:
- 26 ta qurilish chiqindi poligonlarini tashkil etish;
- ijtimoiy soha obyektlariga 18 867 ta chiqindi konteynerlari xarid qilish;
- 38 ta qattiq maishiy chiqindilarni qayta yuklash stansiyalarini tashkil etish;
- 60 ta tibbiyot chiqindilarini zararsizlantirish uchastkalarini tashkil etish hamda saralash uskunalarini o‘rnatish.
- Bu yil ushbu dasturlarni amalga oshirish uchun jami 170 milliard so‘m, shu jumladan, qayta yuklash stansiyalarini tashkil etish uchun 92,2 milliard so‘m mablag‘ moliyalashtirilishi belgilandi.
- Maʼlumot uchun, bugungi kunda davlat-xususiy sheriklik loyihalaring amalga oshirilishi natijasida 6,8 million tonna qattiq maishiy chiqindilar olib chiqilib, ularning 2,2 million tonnasi qayta ishlandi.
