Surxondaryoda bir guruh shaxslar mijoz talashib janjallashdi
Ular bir-birlarini tosh va tayoqlar bilan urgan.
Surxondaryo viloyatining Uzun tumanida 5-yanvar kuni bir guruh shaxslar mijoz talashib janjallashdi. Bu haqda viloyat IIB axborot xizmati xabar qilmoqda.
Qayd etilishicha, Uzun tumanida yashovchi R.Sh., N.Z., E.E., S.Sh., S.Sh., S.I. va boshqalar bir guruhga birlashgan. Ular 5-yanvar kuni soat 11:10 larda “O‘zbekiston” mahallasi hududida joylashgan “Avtoshohbekat”da qo‘llariga turli xildagi tosh va tayoqlar olib, K.K., E.E., K.K., M.M., R.R. va B.B.lar bilan mijoz talashishi oqibatida o‘zaro janjallashib qoladi. Shundan so‘ng bir-birlarini duch kelgan joylariga urib tan jarohati yetkazishgan.
Holat yuzasidan R.Sh., N.Z., E.E., S.Sh., S.Sh., S.I., K.K., R.R. va B.B.larga nisbatan Jinoyat kodeksining 277-moddasi 3-qismi «g» bandi bilan jinoyat ishi qo‘zg‘atilgan.
