Jizzaxda elektromobil ishlab chiqarish yo‘lga qo‘yiladi
Bu Prezident boshchiligidagi yig‘ilishda maʼlum qilindi.
Bugun, 10-yanvar kuni Prezident Shavkat Mirziyoyev raisligida sanoatda ishlab chiqarish hajmining o‘sish surʼatlarini taʼminlash, mavjud imkoniyatlar va yangi zaxiralarni safarbar etish chora-tadbirlari yuzasidan videoselektor yig‘ilishi bo‘lib o‘tmoqda.
Yig‘ilishda bir oy muddatda 2023-yilda sanoatni 14 foizga oshirish bo‘yicha sanoat va investitsiya dasturlarini qayta ko‘rib chiqish vazifasi qo‘yildi.
Joriy yilda Samarqandda mineral o‘g‘it, Navoiyda quruq sianid tuzi va texnik gaz ishlab chiqarish loyihalari tezlashtiriladi.
1-iyunga qadar Pistali konida 6-gidrometallurgiya zavodi ishga tushiriladi.
Avtomobilsozlik tarmog‘ida o‘sishni taʼminlash uchun 1-sentyabrga qadar xususiy investorlarni jalb qilib, Jizzaxda elektromobil ishlab chiqarish yo‘lga qo‘yiladi.
Andijonda zamonaviy quyuv sexi, Chirchiqda qishloq xo‘jaligi mashinasozlik klasteri to‘liq quvvatga chiqariladi.
