Vatan posponlari bayrami tantanali nishonlandi
Bu yil O‘zbekiston Respublikasi Qurolli Kuchlarining tashkil topganiga 31 yil to‘ldi.
Bugun Toshkent shahar Mirzo Ulug‘bek tumanidagi 338-maktabda 14 yanvar Vatan himoyachilari kuni munosabati bilan bayram dasturi bo‘lib o‘tdi. Tadbirda mehmon sifatida Ichki ishlar akademiyasi xarbiy tayyorgarlik kafedrasi katta o‘qituvchisi podpolkovnik Rustamov Maxmudjon Turabjonovich, IIV orkestr xonandasi Karimov Fazliddin Nuritdinovich va akademiya o‘qituvchisi, kapitan Akbarxo‘jayev Kamol Abral o‘g‘li ishtirok etdi.
Tadbir o‘quvchilar ijro etgan kuy-qo‘shiqlar bilan boshlandi. Bundan tashqari vatanni madh etuvchi sheʼrlar tomoshabinlarda iliq taassurot qoldirdi. “Ko‘zmunchoq” raqs guruhi tomonidan ijro etilgan raqs barchaning olqishiga sazovor bo‘ldi. Shuningdek, tadbir davomida ichki ishlar sohasida uzoq yillardan beri mehnat qilib kelayotgan podpolkovnik Mahmudjon Rustamov so‘z olib o‘quvchilarga va tadbir ishtirokchilariga harbiy soha bo‘yicha bir qancha tushunchalar berdi. U bayram munosabati bilan barcha vatan posponlarini samimiy tabrikladi. Ichki ishlar akademiyasi o‘quvchilarining sahna ko‘rinishi esa yurtga bo‘lgan muhabbat tuyg‘ularini yana bir bor jo‘shqinlantirib yubordi.
Maʼlumot uchun, bu yil O‘zbekiston Respublikasi Qurolli Kuchlarining tashkil topganiga 31 yil to‘ldi.
