AQSH va Yaponiya rahbarlari keskin bayonot berdi
Unda Rossiyaga qarshi sanksiyalarni kuchaytirish aytib o‘tildi.
AQSH prezidenti Jo Bayden va Yaponiya bosh vaziri Fumio Kisida Vashingtondagi uchrashuvdan so‘ng Rossiyaning Ukrainaga ehtimoliy yadroviy zarbasi yuzasidan keskin bayonot berishdi. Bu haqda Oq uy matbuot xizmati maʼlum qildi.
“Biz aniq taʼkidlaymizki, Rossiya tomonidan Ukrainada yadro qurolidan har qanday foydalanish butun insoniyatga qarshi asossiz dushmanlik harakati bo‘ladi”, — deyiladi qo‘shma bayonotda.
Yaponiya va AQSH rahbarlari, shuningdek, Ukrainani so‘zsiz qo‘llab-quvvatlagan holda RFga qarshi sanksiyalar qo‘llashda davom etishlarini taʼkidladilar.
