“Mimino“ vafot etdi
U 84 yoshda edi.
Gruziyalik aktyor, rejissyor va qo‘shiqchi Vaxtang Kikabidze 84 yoshida vafot etdi. Bu haqda Gruziyaning “Mtavari Arxi” telekanali xabar bermoqda. Telekanal uning o‘lim sabablariga aniqlik kiritmagan.
Vaxtang Kikabidze 1959-yilda Tbilisi filarmoniyasida ishlay boshlagan, 1966-yilda “Orera” vokal va cholg‘u ansambliga qo‘shilgan va 1967-yilda uning solisti bo‘lgan.
Kikabidze 1966-yilda debyut qilib, “Tog‘lardagi uchrashuv”, “Yig‘lama!”, “Veriyskiy kvartalining ohanglari”, “Mimino“ va boshqa ko‘plab filmlarda suratga tushgan.
2020-yilda aktyor Gruziya parlamentiga sobiq prezident Mixail Saakashvilining “Birlashgan milliy harakat” partiyasidan saylangan.
