Namanganda 4 ta xonadon yonib ketdi
FVB yong‘in sabablarini maʼlum qildi.
Namangan viloyatida 14–15-yanvar kunlari 4 ta xonadonda yong‘in chiqdi. Bu haqda Favqulodda vaziyatlar boshqarmasi xabar bermoqda.
Qayd etilishicha, 14-yanvar kuni Chortoq tumani “Komillik” MFY xududida, Davlatobod tumani “Nurobod” MFY xududida va Uychi tumani “Obod” MFY xududidagi xonadaonlarda yong‘in yuz bergan. 15-yanvar kuni soat 06:04 da Pop tumani “Guzar” MFY xududida joylashgan uyda yong‘in chiqqan.
Sodir bo‘lgan yong‘inlar FVB xodimlari tomonidan bartaraf etilgan. Yong‘inga aksariyat hollarda xonani isitish maqsadida foydalanilayotgan gaz, o‘tin, ko‘mir va boshqa yoqilg‘ilarni uzoq vaqt nazoratsiz qoldirilishi sabab bo‘lgan.
Hodisa oqibatida kuyib tan jarohati olgan va halok bo‘lganlar yo‘q. Hozirda sodir bo‘lgan yong‘inlar yuzasidan tergovga qadar surishtiruv ishlari olib borilmoqda.
