Sirdaryodagi ko‘p qavatli uyda gaz portladi
Hozirda voqea joyiga viloyat rahbarlari yetib borgan.
Bugun, 15-yanvar kuni Sirdaryo viloyatining Xovos tumanidagi ko‘p qavatli uylarning birida gaz portladi. Holat bo‘yicha Favqulodda vaziyatlar boshqarmasi maʼlumot berdi.
Qayd etilishicha, soat 14:50 da Xovos tumani “Qahramon” MFY “Qahramon” ko‘chasida joylashgan 7-sonli ko‘p qavatli uyda gaz-havo aralashmasining chaqnashi sodir bo‘lgan.
Chaqnash natijasida binoga qisman zarar yetgan. Hozirda voqea joyiga yetib borgan viloyat rahbarlari va FVB bo‘limlari tomonidan dastlabki tadbirlar amalga oshirilmoqda.
“Holat yuzasidan qo‘shimcha maʼlumot beriladi”, — deyiladi xabarda.
