O‘zbekiston va Singapur o‘rtasida 8 ta hujjat tasdiqlandi
Muzokaralardan so‘ng ikki tomonlama hujjatlarni almashish marosimi bo‘ldi.
Delegatsiyalar rahbarlari huzurida ikki mamlakat hukumatlari, vazirlik va idoralari darajasida O‘zbekiston-Singapur hamkorligini yana-da kengaytirishga qaratilgan 8 ta hujjat almashildi.
Xususan, taʼlim, transport, sog‘liqni saqlash, kadrlar, shu jumladan davlat xizmatchilarini tayyorlash sohalarida hamkorlik to‘g‘risida bitimlar qabul qilindi.
Shuningdek, savdo-iqtisodiy sheriklik hamda ikki mamlakat prokuraturalari o‘rtasidagi hamkorlik bo‘yicha kelishuvlarga erishildi.
