Qaytib olingan minnatdorlik
Xalq deputatlari Toshkent shahar kengashi sobiq hokim Jahongir Ortiqxo‘jayevga minnatdorchilik bildirilgan murojaatnoma kengashning Telegram kanalida eʼlon qilinib, keyinroq o‘chirib tashlandi.
Xalq deputatlari Toshkent shahar kengashi raisining o‘rinbosari Toshpo‘lat Matibayev poytaxtning sobiq hokimi Jahongir Ortiqxo‘jayevga murojaatnoma eʼlon qilinganini inkor etuvchi bayonotni eʼlon qildi.
Toshkent shahar xalq deputatlari kengashi o‘zining Telegram kanalida aholini elektr energiyasi va gaz bilan taʼminlashda yuzaga kelgan inqiroz fonida Prezident tomonidan ishdan bo‘shatilgan mazkur kengashning sobiq raisi, poytaxt hokimi Jahongir Ortiqxo‘jayevga qisqa murojaat eʼlon qilgandi. (“Gazeta.uz” mazkur xabarning skrinshoti va uning nashr etilganini tasdiqlovchi kanalga havolani eʼlon qildi.) Keyinroq xabar o‘chirilgan.
«Hurmatli Jahongir Obidovich Ortiqxo‘jayev, 2019−2023 yillarda Xalq deputatlari Toshkent shahar kengashi raisi sifatidagi faoliyatingiz davomida Xalq deputatlari Toshkent shahar kengashi deputatlarini qo‘llab-quvvatlaganingiz uchun tashakkur aytamiz», — deyiladi murojaatda.
Kengash rahbari o‘rinbosari Toshpo‘lat Matiboyev o‘z bayonotida deputatlar nomidan sobiq hokimga murojaatnoma eʼlon qilinmaganini bildirgan.
«Biz bu murojaatni qo‘llab-quvvatlamaymiz» (xabarda ushbu qism ham o‘chirib tashlandi — tahr.), — deyiladi bayonotda.
Shuningdek, kengash kotibiyati o‘z bayonotida 16−17 yanvar kunlari Xalq deputatlari Toshkent shahar kengashining hech qanday yig‘ilishi bo‘lib o‘tmaganini maʼlum qilgan.
