Ishlash istagidagi barcha migrantlar Germaniyaga taklif qilindi
Mamlakatda mavjud barcha kompaniyalarning yarmida ishchi kuchi yetishmayapti.
Olaf Sholts Germaniyada ishlashga tayyor barcha migrantlarni mamlakatga taklif qildi. Bu haqda kansler Davos iqtisodiy forumidagi chiqishida maʼlum qilgan.
"Ishlamoqchi bo‘lgan barcha — Germaniyaga xush kelibsiz", — degan nemis hukumati rahbari.
O‘tgan yilgi holatga ko‘ra, Germaniyada ishsizlik 5.5 foizni tashkil etdi. Shu bilan birga 12 yanvar kuni mamlakat savdo-sanoat palatasi GFRdagi 53 foiz kompaniyalarning ishchi kuchiga muhtojligini maʼlum qilgan. Bu ko‘rsatkich sanoat korxonalarida 67 foizni tashkil etadi.
