Sirdaryoda Damas zovurga tushib ketdi
Holat bo‘yicha FVV maʼlumot berdi.
Bugun, 19-yanvar kuni Sirdaryo viloyatining Mirzaobod tumanida Damas zovurga tushib ketdi. Holat yuzasidan Favqulodda vaziyatlar boshqarmasi maʼlumot berdi.
Qayd etilishicha, Mirzaobod tumani “Toshkent” MFY hududida harakatlanib ketayotgan Damas haydovchisi X.N yo‘lda boshqaruvni yo‘qotib, yo‘l yoqasidan o‘tuvchi ochiq zovurga tushib ketgan.
Zudlik bilan voqea joyiga viloyat FVB qutqaruvchilari yetib borgan va ko‘rilgan tezkor choralar natijasida avtomobil zovurdan olib chiqilgan. Hodisa oqibatida hech kim tan jarohati olmagan.
