Lukashenko Ukraina uni hayratlantirganini tan oldi
Rossiya o‘tgan yili Ukrainaga hujumini bir qismni Belarus hududi orqali amalga oshirgandi.
G‘arb davlatlari Belarusga qarshi Ukrainadan foydalanishga harakat qilyapti. Bu haqda prezident Aleksandr Lukashenko maʼlum qildi.
"Ular Ukrainadan Belarusga qarshi foydalanishga harakat qilmoqda. Ammo meni hayratga solayotgani — Ukraina hozircha qimirlamayapti. U Belarusga qarshi provokatsiyalarga bormayapti. Ammo uni G‘arbdagi qo‘shnilarimiz faol gijgijlamoqda. Kimligini o‘zingiz bilasiz", — degan u RF tashqi ishlar vaziri Sergey Lavrov bilan suhbatda.
Eslatib o‘tamiz, o‘tgan yili Rossiyaning Ukrainaga qarshi hujumining bir qismi aynan Belarus orqali amalga oshirilgandi. Bu yil ushbu davlatda 11 ming rossiyalik askar bor. Tahlilchilar bu yirik hujum uchun yetarli emasligini aytmoqda. Katta ehtimol bilan bu Ukrainani shimoliy chegaralarda katta qo‘shin ushlab turishi uchun amalga oshirilmoqda.
Belarus OAV Lavrovning Lukashenkoga javobini keltirmagan.
