Jizzaxdagi ovqatlanish shoxobchasida bir guruh shaxslar mushtlashdi
Viloyat IIB hodisa sababini maʼlum qildi.
Ijtimoiy tarmoqda Jizzax viloyatining Zomin tumanida bir guruh fuqarolarning janjallashgani aks etgan videotasvir tarqaldi. Holat yuzasidan viloyat IIB rasmiy munosabat bildirdi.
Maʼlum bo‘lishicha, 21-yanvar soat 21.00 larda Zomin tumanining Dashtobod shahridagi ovqatlanish shoxobchasida bir necha shaxs mushtlashgan. Kelishmovchilikka Beruniy mahallasida yashovchi A.U., S.K. hamda O.R.larning yeyilgan taom uchun haq to‘lamaganliklari sabab bo‘lgan.
Shu kuniyoq ayrim jabrlanuvchilar shifoxonada tibbiy yordam olgan. O‘z navbatida holat yuzasidan ichki ishlar xodimlari tomonidan tergovga qadar tekshiruv o‘tkazilmoqda.
“Qonunbuzarlarga nisbatan tegishli tartibda chora ko‘riladi”, — deyiladi xabarda.
