O‘tgan yili O‘zbekistonda qancha daraxt ekildi?

 

AOKAda o‘tkazilgan brifingda O‘rmon xo‘jaligi agentligi axborot xizmati rahbari Otabek Ashurov sohada 2022 yilda amalga oshirilgan ishlar yuzasidan maʼlumot berdi.

 

Maʼlum qilinishicha, o‘rmon fondi yerlari 12 million gektarga yetkazildi. Shuningdek, o‘tgan yilda tarmoq, soha, yo‘nalishlari va hududlarni rivojlantirish bo‘yicha ko‘pgina chora-tadbirlar, ishlar amalga oshirildi. Xususan, o‘rmon fondining foydalanilmayotgan 1-7 ming gektar yer maydonlari o‘zlashtirilib, oborotga kiritildi. 2-2,3 ming gektar yer maydonlari jismoniy va yuridik shaxslarga uzoq muddatga ijaraga berildi.

 

Orol dengizining qurigan tubi va Orolbo‘yi hududlarida jami 208 ming gektar maydonda ihota daraxtzorlari barpo etildi.

 

O‘rmon barpo qilish, niholxona va ko‘chatxonalar tashkil etish hamda ko‘kalamzorlashtirish tadbirlari uchun daraxt va butalarning 1 ming tonna urug‘lari tayyorlandi.

 

Jami 113 million dona tuproq-iqlim sharoitga mos turdagi manzarali, mevali daraxt hamda butalarning nihol va ko‘chatlar yetishtirildi.

 

Respublika hududlarida jami 76,4 million dona, xususan:

 

Qoraqalpog‘iston Respublikasida 1-5,3 million;

Andijonda 5,9 million;

Buxoroda 6,0 million;

Jizzaxda 6,0 million;

Qashqadaryoda 6,3 million;

Navoiyda 5,3 million;

Namanganda 5,9 million;

Samarqandda 6,2 million;

Surxondaryoda 6,0 million;

Sirdaryoda 5,3 million;

Toshkentda 6,3 million;

Farg‘onada 5,7 million;

Xorazmda 5,7 million;

Toshkent shahrida 0,4 million dona manzarali, mevali va boshqa turdagi ko‘chatlar ekildi.

 

Sohada qo‘shimcha tarmoqlarni rivojlantirish hisobiga yalpi daromad 290 milliard so‘mni tashkil qildi va 10 ming ta yangi ish o‘rni yaratildi.