Norin daryosida damba qulab tushgani aytilmoqda
Holat yuzasidan rasmiy izoh berildi.
Ijtimoiy tarmoqda Namangan viloyatining Norin tumanida daryo dambasi qulab tushgani haqida xabarlar tarqaldi. Holatga viloyat FVB munosabat bildirdi.
Maʼlum qilinishicha, Norin daryosining chap qirg‘og‘ini yemirilishi oqibatini bartaraf etish jarayonlari boshlangan.
“Jarayon to‘liq nazoratga olingan. Favqulodda vaziyatlar boshqarmasi hamda favqulodda vaziyatlarda davlat quyi tizimlari jalb qilingan, hozirda maxsus texnikalar va soha mutaxassislari bilan birgalikda dambani mustahkamlash ishlari olib borilmoqda”, — deyiladi xabarda.
