Qarshida savdo rastasi va bankomat yonib ketdi
Holat yuzasidan FVB maʼlumot berdi.
Kecha, 27-yanvar kuni Qashqadaryo viloyatining Qarshi shahrida yong‘in sodir bo‘ldi. Bu haqda viloyat Favqulodda vaziyatlar boshqarmasi xabar berdi.
Qayd etilishicha, soat 23:58 da Qarshi shahar «Xo‘jaxiyol» MFY «Qarliqbog‘ot» ko‘chasida yong‘in sodir bo‘layotganligi to‘g‘risida xabar kelib tushgan. Shunga ko‘ra, voqea joyiga 2 ta yong‘in-qutqaruv bo‘linmasi soat 00:05 da yetib borgan va 00.33 larda yong‘in to‘liq o‘chirilgan.
Hodisa oqibatida fuqaro X.B.ga tegishli yengil tipda qurilgan kichik hajmli savdo (savdo do‘koni emas) rastasining 6 metr kvadrat va unga yondosh «Qishloqqurilishbank»ga tegishli bo‘lgan bankomat qurilmasining 4 metr kvadrat maydon qismi zarar ko‘rgan.
Yong‘indan hech kim tan jarohati olgmagan. Hozirda yong‘in sababi va zarari aniqlanmoqda.
