Gulistonda Nexia yonib ketdi
FVB hodisa sababini maʼlum qildi.
Bugun, 29 yanvar kuni Sirdaryo viloyatining Guliston shahrida Nexia avtomobili yonib ketdi. Holat yuzasidan viloyat Favqulodda vaziyatlar boshqarmasi maʼlumot berdi.
Qayd etilishicha, hodisa Guliston shahrining “Taraqqiyot” MFY hududida yuz bergan. Nexia-1 avtomashinasining taxminan elektr jihozlaridagi nosozlik tufayli qisqa tutashuv kelib chiqqan va dvigatel qismida yong‘in sodir bo‘lgan.
Voqea joyiga 1 ta yong‘in-qutqaruv ekipaji soat 9:31 yetib borgan va yong‘in 09:38 da to‘liq o‘chirilgan. Oqibatda tan jarohati olganlar yo‘q. Hozirda yong‘in sababi va moddiy zarar miqdori aniqlanmoqda.
