Dubaydagi pentхaus rekord narxga sotildi
U osmono‘par binoning 28-qavatida joylashgan.
Dubaydagi eng qimmat turar-joy binolaridan biridagi pentхaus 112 million dollarga sotildi. Bu amirlik tarixidagi eng yirik ko‘chmas mulk bitimidir.
To‘qqizta yotoqxonasi va suzish havzasi bo‘lgan kvartiraning maydoni 3,5 ming kvadrat metrdan oshadi. U Jumeirahdagi Bulgari Lighthouse majmuasining 28-qavatining tepasida joylashgan.
2022 yili Dubayda uy-joy narxlarining keskin o‘sishi kuzatildi. Shu bilan birga, hashamatli ko‘chmas mulkka talab sezilarli darajada oshdi – har birining qiymati 10 million dollardan ortiq bo‘lgan 219 ta uy sotildi.
Ko‘chmas mulk sektori Dubay iqtisodiyotining uchdan bir qismidan ko‘prog‘ini tashkil qiladi. Mutaxassislarning fikriga ko‘ra, 2023-yilda BAAda ko‘chmas mulk savdosi 2022-yildagi ko‘rsatkichlardan oshib ketishi mumkin.
