Germaniyalik ayol o‘z o‘limini sahnalashtirmoqchi bo'ldi
U bu ishni ota-onasidan qasd olish qilgan.
Germaniyaning Ingolshtadt shahrida yashovchi ayol ijtimoiy tarmoqda o‘zining qiyofadoshni topib, o‘z o‘limini ishonchli tarzda sahnalashtirish uchun uni o‘ldirdi. Bu haqda "The Guardian" xabar bermoqda.
2022 yil avgust oyida kelib chiqishi eronlik 23 yoshli kosmetolog Sharaban K. ota-onasi bilan janjal tufayli yashirinishga qaror qildi. Buning uchun u o‘z o‘limini soxtalashtirishni rejalashtirgan. Sharaban K. ijtimoiy tarmoqlarda o‘ziga o‘xshagan bir necha ayolni topib, ular bilan uchrashuv tashkil qilmoqchi bo‘lgan.
Faqatgina 23 yoshli Jazoirlik bloger Xadicha kosmetika olish bahonasida uchrashuvga rozi bo‘ldi. Qiz qo‘shni Xaylbronn shahrida yashagan. Sharaban K. dugonasi bilan uni mashinada olib ketish uchun kelgan. Hujum qilganlar Xadichani o‘rmonga olib borib, mashinadan majburan tushirib, unga 50 ga yaqin pichoq urgan.
Shundan so‘ng ular ayolning jasadini mashinaning orqa o‘rindig‘iga qo‘yib, Ingolshtadtga olib borishdi. Ular jasad bilan mashinani Dunay qirg‘og‘i yaqinidagi turar-joy hududida qo‘yishdi. 16 avgust kuni yarim tundan ko‘p o‘tmay jasadni Sharabon K.ning ota-onasi topadi. Ular o‘ldirilgan ayolni qizlari deb o‘ylashgan.
Ekspertlar ayolning shaxsi to‘g‘ri aniqlanganiga shubha qilishdi. Qotillik quroli topilmadi. Tergov jarayonida militsiya xodimlari Sharaban K. va Shekir K.ni topishga muvaffaq bo‘lgan va gumonlanuvchilar qo‘lga olingan. Agar ularning aybi isbotlansa, ayollar umrbod qamoq jazosiga hukm qilinadi.
