Keyingi hafta ikki davlat TIV rahbari Toshkentga keladi
Tashrif doirasida hukumat tashkilotlarida uchrashuv va muzokaralar o‘tkaziladi.
7-9-fevral kunlari Sloveniya Respublikasi Bosh vaziri o‘rinbosari − tashqi ishlar vaziri Tanya Fayon boshchiligidagi delegatsiya O‘zbekiston Respublikasida tashrif bilan bo‘ladi.
Tashrif doirasida Sloveniya delegatsiyasi Tashqi ishlar vazirligi va boshqa hukumat tashkilotlarida uchrashuvlar o‘tkazadi hamda O‘zbekiston-Sloveniya biznes-forumida ishtirok etadi.
Sloveniya TIV rahbarining Jahon iqtisodiyoti va diplomatiya universiteti professor-o‘qituvchilari va talabalari bilan uchrashishi rejalashtirilgan.
Bundan tashqari, 9-fevral kuni Vengriya tashqi ishlar va tashqi savdo vaziri Piter Siyarto Toshkentga keladi.
Tashrif doirasida O‘zbekiston Respublikasi tashqi ishlar vaziri vazifasini bajaruvchi Baxtiyor Saidov bilan uchrashuv, shuningdek, boshqa vazirlik va idoralarda muzokaralar o‘tkazilishi ko‘zda tutilgan.
