Maktablarda sinf o‘quvchilari 20 nafarga qisqartiriladimi?
Ijtimoiy tarmoqda tarqalgan xabarlarga vazirlik izoh berdi.
Ijtimoiy tarmoqlarda O‘zbekistondagi maktablarda bir sinfdagi o‘quvchilar soni 20 nafargacha qisqartirilishi to‘g‘risidagi xabarlar tarqaldi. Holatga Maktabgacha va maktab taʼlimi vazirligi munosabat bildirdi.
Maʼlum qilinishicha, Prezidentning tegishli qaroriga ko‘ra, 2022–2026 yillarda umumiy o‘rta taʼlim muassasalarini qurish, rekonstruksiya qilish va mukammal taʼmirlash hisobiga 1,2 million o‘quvchi o‘rni miqdoridagi yangi quvvatlar yaratilishi topshirilgan.
Qaror bilan 2022–2026 yillarda umumiy o‘rta taʼlim muassasalarini qurish, rekonstruksiya qilish, mukammal taʼmirlash va jihozlashning asosiy prognoz ko‘rsatkichlari tasdiqlangan bo‘lib, unga ko‘ra respublika bo‘yicha 2899 ta maktabda qurilish, rekonstruksiya qilish va taʼmirlash ishlari amalga oshiriladi.
“Ayni damda bir sinfda o‘quvchilar soni 35 nafardan oshmasligi belgilangan bo‘lib, blogerlardan yolg‘on maʼlumotlar tarqatmaslikni so‘rab qolamiz”, — deyiladi xabarda.
