Onkologik amaliyotlar uchun chet elga chiqish 70 foizga kamaydi
O‘tgan yili 114 nafar bemorda yuqori texnologik jarrohlik operatsiyalari o‘tkazilgani aytilmoqda.
Respublika ixtisoslashtirilgan onkologiya va tibbiy radiologiya ilmiy-amaliy tibbiyot markazi direktori:
— Markazimizning yetakchi mutaxassislaridan iborat guruhlar muntazam ravishda hududlarga chiqib, mahorat darslari, seminarlar o‘tkazmoqda. Joylarda aholi uchun tibbiy ko‘riklar tashkil etilyapti.
2022-yil hududlarda 10 000 nafarga yaqin aholi ishtirokida o‘tkazilgan tibbiy ko‘riklarda 6 156 nafar bemor aniqlanib, ularning 114 nafarida yuqori texnologik jarrohlik operatsiyalari o‘tkazildi.
Markaz amaliyotiga 7 turdagi, viloyat darajasida 24 turdagi, tuman darajasida esa 2 turdagi yangi jarrohlik va diagnostika usullari tatbiq qilinib, umumiy amaliyotlar soni 2021 yilga nisbatan 36 foizga oshdi.
Natijada, jigar o‘smalari, sut bezi va bachadon bo‘yni raki, kololektal va buyrak saratoni kabi kasalliklar bo‘yicha bemorlarning xorijga chiqishlari qariyb 70 foizga kamaydi.
O‘tgan yilning o‘zida onkologik muassasalarda faoliyat yuritayotgan 112 nafar mutaxassis markazda, 78 nafari esa xorijda qayta tayyorgarlik kurslarini o'tadi.
