0
Shavkat Mirziyoyev bugun Turkiyaning O‘zbekistondagi elchixonasiga bordi
Prezident turk qardoshlarimizga yana bir bor hamdardlik bildirdi.
Prezident bugun Turkiya Respublikasining O‘zbekistondagi elchixonasiga borib, ularga yana bir bor hamdardlik bildirdi.
Parvardigordan marhumlarni o‘z rahmatiga olishini, ularning oilasi va yaqinlariga sabr-toqat va bardamlik berishini so‘radi. Jarohat olgan insonlar tez fursatlarda sog‘ayib ketishini tiladi.
O‘zbek va turk xalqlari yaxshiyu yomon kunlarda hamisha birga bo‘lgan, bir-birini qo‘llab-quvvatlagan. Bu do‘stlik, qardoshlik va o‘zaro yelkadoshlik hozirgiday og‘ir kunlarda yanada bilinadi.
Shavkat Mirziyoyev O‘zbekiston barcha zarur yordamga tayyorligini bildirdi. Elchixonada ochilgan hamdardlik kitobiga tasalli so‘zlarni yozib qoldirdi.
