Ikki nafar voyaga yetmagan qizga nisbatan jinsiy zo‘ravonlik: gumonlanuvchi ushlandi
Ijtimoiy tarmoqlarda tarqalgan videomurojaatda ayol turmush o‘rtog‘ini ikki nafar voyaga yetmagan qiziga nisbatan jinsiy zo‘ravonlik sodir etganini bildirgan.

Toshkentda ikki nafar voyaga yetmagan qizga nisbatan jinsiy zo‘ravonlik sodir etilgani haqidagi murojaat prokuratura tomonidan o‘rganilmoqda. Gumonlanuvchi qamoqqa olingan.
Ijtimoiy himoya milliy agentligi Toshkent shahar boshqarmasi ma’lum qilishicha, fuqaro J.N. ijtimoiy tarmoqlarda e’lon qilgan murojaatida turmush o‘rtog‘i M.A. 2014 va 2021-yillarda tug‘ilgan ikki nafar qiziga nisbatan jinsiy zo‘ravonlik sodir etganini bildirgan.
Qayd etilishicha, mazkur holat yuzasidan Toshkent shahar prokuraturasi tomonidan tegishli protsessual harakatlar olib borilmoqda. Zo‘ravonlikda gumon qilinayotgan shaxsga nisbatan qamoqqa olish tarzidagi ehtiyot chorasi qo‘llanilgan.
Shuningdek, “Inson” ijtimoiy xizmatlar markazi mutaxassislari oilaga psixologik va yuridik yordam ko‘rsatishni taklif qilgan. Biroq murojaatchi ayol bolalarning holati va oilaviy vaziyatdan kelib chiqib, ushbu xizmatlarni hozircha ixtiyoriy ravishda rad etgan.








