Fransiyani kalamushlar bosib oldi
Ayrim joylarda ularning soni aholi sonidan oshib ketgan.
Fransiya nafaqat migrantlar oqimidan, balki kalamushlardan ham aziyat chekmoqda. Butun mamlakat bo‘ylab kemiruvchilar soni keskin oshib ketdi.
O‘tgan yilda kalamush ovlovchilarga talab 35 foizga ko‘tarildi. Ayrim ekspertlar Lionda kalamushlar soni aholi sonidan oshib ketgani, Bordoda esa ularning farqi 2 baravarga yetganini aytmoqda.
Mutaxassislar bu darajadagi ko‘payishga ko‘chalardagi oziq-ovqat chiqindilari sabab bo‘layotganini aytmoqda. Gap shundaki, karantin cheklovlari bekor qilinishi bilan fransuzlar ko‘chalarda ovqatlanishga o‘tdi. Ikkinchidan global isish kalamushlar ko‘payishiga olib keladi.
Kemiruvchilarga qarshi kurash kasaba uyushmasi bir necha yil avval taqiqlangan kimyoviy zaharlash va ularning tishi o‘tmaydigan germatik chiqindi qutilari ishlab chiqarishni taklif qilmoqda.
