NATO bosh kotibi o‘z o‘rnini hech kimga berishni istamayapti
U tugab borayotgan vakolati muddatini uzaytirmoqchi.
NATO bosh kotibi Yens Stoltenberg vakolatini 2024 yilning apreligacha uzaytirishni rejalashtirmoqda. Bu haqda «Reuters» agentligi xabar berdi.
Shu tariqa tashkilot Ukrainadagi urush davrida alyans barqarorligini taʼminlamoqchi.
Yaqin haftalarda rasmiy qaror qabul qilinishi kutilmoqda, chunki 30 ta aʼzo davlat o‘rtasida Stoltenberg 2023 yil 30 sentyabrda muddati tugagandan keyin ham lavozimida qolishi haqida norasmiy kelishuv mavjud.
Agentlikning taʼkidlashicha, bu muddatning uzaytirilishi Stoltenbergga 2024 yil aprelida Vashingtonda bo‘lib o‘tadigan NATOning 75 yillik yubiley sammitiga raislik qilish, shuningdek, Jahon banki prezidenti bo‘lish imkoniyatini beradi.
Stoltenberg o‘rniga kim tayinlanishi borasida hali bir qarorga kelmagan, biroq bu lavozimga yetakchi nomzodlar qatorida Ispaniya bosh vaziri va Britaniya mudofaa vaziri bor.
