Qashqadaryoda fuqarolar saylovni buzmoqchi bo‘ldi
Ular blogerlarni yollab, janjal uyushtirgan.
Qashqadaryo viloyatining Ko‘kdala tumanida ayrim fuqarolar janjal uyushtirib, saylov tadbirini buzishmoqchi bo‘ldi. Bu haqda IIV axborot xizmati rahbari Shohruh G‘iyosov xabar bermoqda.
Maʼlum qilinishicha, Ko‘kdala tumani Chorvador mahallasida raisni saylash tadbiriga saylanuvchilar ro‘yxatiga tushmagan va bundan norozi ayrim fuqarolar “Elparvar" blogerlarini yollab, janjal uyushtirish orqali tadbirni buzmoqchi bo‘layotgani haqida maʼlumot kelgan.
“Ogohlantiramiz, jamoat tartibini buzishga qaratilgan har qanday ko‘rinishdagi harakatlarga nisbatan keskin chora ko‘riladi. G‘ayrihuquqiy manfaatlarni ko‘zlab, jamoatchilik nazoratini suiisteʼmol qilishga yo‘l qo‘yilmaydi”, — deyiladi xabarda.
