Sirdaryoda ikkita IES ishga tushiriladi
Bu haqda Energetika vazirligi xabar berdi.
2026 yilga borib Sirdaryo viloyatida umumiy quvvati 3073 MVt bo‘lgan 2 ta zamonaviy issiqlik elektr stansiyasi ishga tushiriladi.
Qayd etilishicha, 2023 yil yakuniga qadar Shirin shahri va Boyovut tumanlari hududida Saudiya Arabistonining “AСWA Power” kompaniyasi tomonidan quvvati 1500 MVt bo‘lgan issiqlik elektr stansiyasi ishga tushiriladi.
2026 yilda Boyovut tumanida «EDF» (Fransiya), «Nebras» (Qatar), “Sojitz Corporation” (Yaponiya) va “Kyuden International Corporation” (Yaponiya) kompaniyalari konsorsiumi tomonidan quvvati 1573 MVt bo‘lgan issiqlik elektr stansiyasi ishga tushiriladi.
Maʼlumot uchun: 2022 yilning noyabr oyida Xovos tumanida Turkiyaning “Cengiz Enerji” kompaniyasi tomonidan quvvati 220 MVt bo‘lgan issiqlik elektr stansiyasi ishga tushirilgandi.
