“Buxanka” ichidan sichqon axlati chiqqani aytildi
Raqobatni rivojlantirish va isteʼmolchilar huquqlarini himoya qilish qo‘mitasi tomonidan holat o‘rganib chiqildi.
Telegram‘da «Potrebitel Buxara plyus» guruhida fevral boshlarida Buxorodagi Mega market do‘konidan xarid qilingan qolipli nonlardan sichqonlarning axlati chiqqani haqida post qoldirilgani yuzasidan Raqobatni rivojlantirish va isteʼmolchilar huquqlarini himoya qilish qo‘mitasi mazkur holatni o‘rganib chiqdi.
Unga ko‘ra, qo‘mitaning Buxoro viloyat hududiy boshqarmasi «Isteʼmolchilarning huquqlarini himoya qilish to‘g‘risida»gi qonunning 6 (tovar (ish, xizmat)lar to‘g‘risidagi maʼlumot) va 12-moddalari (isteʼmolchining tovar (ish, xizmat) xavfsiz bo‘lishiga talab qo‘yish huquqi) talablari buzganligi holati bo‘yicha ish qo‘zg‘atildi.
Shuningdek, munosabatda isteʼmolchilarga yetkazilgan zararni qoplash yuzasidan ish yakuniga ko‘ra ishlab chiqaruvchi korxonaga tegishli ko‘rsatma berilishi taʼkidlangan.
Bundan tashqari, Sanitariya-epedimiologiya va osoyishtalik xizmati xodimlarini jalb etilib, savdo shoxobchasi va ishlab chiqaruvchi korxonada sanitariya meʼyorlariga rioya etilishi bo‘yicha o‘rganishlar o‘tkazilgani qayd etilgan.
