Sobiq madaniyat vaziri vafot etdi
Marhum Senatning Yoshlar, madaniyat va sport masalalari qo‘mitasi raisi, senator vazifalarida ham faoliyat yuritgan.
Senatning Yoshlar, madaniyat va sport masalalari qo‘mitasi raisi, senator Baxtiyor Sayfullayev 72 yoshida vafot etdi.
Baxtiyor Sayfullayev 1951-yil 1-aprel kuni Toshkent shahrida tug‘ilgan.
U O‘zbekiston davlat sanʼat va madaniyat institutini tamomlagan, 2002-2005-yillarda shu institutga rektorlik qilgan.
2005-yildan O‘zbekiston madaniyat va sport ishlari vazirining birinchi o‘rinbosari bo‘lgan, 2012-yildan O‘zbekiston davlat sanʼat va madaniyat instituti rektori lavozimida ishlay boshlagan, 2017-yil avgustida esa O‘zbekiston madaniyat vaziri etib tayinlangan.
2020-yilning 18-yanvarida O‘zbekiston Prezidenti Shavkat Mirziyoyevning tegishli farmoni bilan senator etib tayinlangan, 20-yanvar kuni yangi tarkibdagi Senatning ilk yalpi majlisida Yoshlar, madaniyat va sport masalalari qo‘mitasi raisi etib saylangandi.
