Shimoliy Koreya uzoq masofali ballistik raketa uchirdi
Yaponiya hukumati Pxenyanga norozilik bildirdi.
Shimoliy Koreya Yapon dengizi tomon ballistik raketa uchirdi, deb xabar berdi Janubiy Koreya Birlashgan shtab boshliqlari qo’mitasi.
“Harbiy kuchlarimiz 18-fevral kuni Shimoliy Koreya tomonidan Pxenyandagi Sunan hududidan uzoq masofali ballistik raketa uchirilganini aniqladi ", — deyiladi xabarda.
Yaponiya dengiz xavfsizligi xizmatining ma`lum qilishicha, raketa allaqachon qulab tushgan. Halokat joyi hozircha aniqlanmagan. Ayrim ma’lumotlarga ko’ra, u AQSh hududiga yetib borishga qodir.
Bungacha agentlik mamlakat Mudofaa vazirligi maʼlumotlariga tayanib, raketa Osima orolidan 200 km gʻarbga — Yaponiyaning eksklyuziv iqtisodiy zonasi ichiga qulashi mumkinligini taʼkidlagan.
Yaponiya mudofaa vazirligi ma’lumotlariga qaraganda, ballistik raketa 66 daqiqa davomida havoda bo‘lgan. U taxminan 900 kilometr masofani bosib o'tdi va maksimal parvoz balandligi 5,7 ming kilometrni tashkil etdi.
Raketa sinovi munosabati bilan Yaponiya hukumati Pekinda diplomatik kanallar orqali KXDRga keskin norozilik bildirdi.
