OTMlarda talabalar uchta guruhga ajratiladi

 

Ijtimoiy tarmoqlarda Oliy taʼlim, fan va innovatsiyalar vaziri tomonidan oliygohlarda talabalarni uch guruhga ajratish bo‘yicha shoshilinch topshiriq berilgani haqida xabarlar tarqaldi. Holatga vazirlik rasmiy munosabat bildirdi.

 

Qayd etilishicha, ijtimoiy tarmoqda tarqalgan “Yoshlar o‘rtasida paydo bo‘layotgan yomon illatlardan ogoh qilish maqsadida taʼsirchan qisqa hikoyalar nashr qilish nazarda tutilsin” degan so‘zlar kontekstdan uzib olingan.

 

Biroq, Oliy taʼlim, fan va innovatsiyalar vazirligi tomonidan hozirda shunday hikoyalar to‘plami nashr etishga tayyorlangan va ularni OTMlarning ijtimoiy tarmoqlardagi sahifalari va kanallarida eʼlon qilinishi nazarda tutilgan. Bundan tashqari, Oliy taʼlim, fan va innovatsiyalari Ibrohim Abdurahmonovning topshirig‘i bilan OTMlarda elektr energiya bilan taʼminlaydigan quyosh panellarini o‘z mablag‘lari hisobidan o‘rnatish ishlarini amalga oshiriladi.

 

Shuningdek, endilikda respublikadagi barcha OTMlardagi talabalar shartli ravishda uchta guruhga ajratiladi.

 

Jumladan:

— Jinoyatchilikka moyil talabalar;

— Yot g‘oyalar taʼsiriga tushish arafasidagi talabalar;

— Tartib qoidalarga rioya etmaydigan talabalar.

 

Ajratib olingan talabalarga vazirlik va oliy taʼlim muassasalarining rahbar-xodimlarini biriktirilib ularning ota-onalari bilan individual suhbatlar tashkil etib boriladi hamda talabalar bilan ham individual ravishda ish olib borish rejalashtirilgan.