Qashqadaryoda paxta ortilgan mashina yonib ketdi
Holat bo‘yicha FVV maʼlumot berdi.
Bugun, 21-fevral kuni Qashqadaryo viloyatining Ko‘kdala tumanida paxta ortilgan yuk avtomobilida yong‘in sodir bo‘ldi. Holat yuzasidan Favqulodda vaziyatlar vazirligi maʼlumot berdi.
Hodisa soat 16:48 da Qo‘qdala tumani hududidan o‘tuvchi A-378 avtoyo‘lining 85-kilometrida yuz bergan. Yuk mashinasi haydovchisi salonda yong‘in hidini sezib, mashinaning kuzov qismida yong‘in boshlanganini ko‘rgan. Yuk avtomobiliga ortilgan paxta yonib ketgan.
Hodisa joyiga zudlik bilan hududiy FVV yong‘in-qutqaruv ekipajlari yetib kelgan. Soat 17:20 da yong‘in to‘liq o‘chirilgan. Avtomashinadagi yukning bir qismi yong‘indan saqlab qolingan. Hodisa ovibatida halok bo‘lgan va jarohat olganlar yo‘q.
