Shahrisabzda BMW Damas bilan to‘qnashdi
YTH oqibatida yo‘lovchi jarohatlangan.
Qashqadaryo viloyatining Shahrisabz tumanida 18 fevral kuni ikkita avtomashina ishtirokida yo‘l-transport hodisasi sodir bo‘ldi. Bu haqda viloyat IIB axborot xizmati xabar berdi.
Hodisa soat 19:40 larda 4R-23L Kitob–Shahrisabz avtomobil yo‘lining 5-kilometrida yuz bergan. Haydovchi S.T. BMV avtomobilini Shahrisabz shahar Istiqlol ko‘chasidan Ipak yo‘li ko‘chasining “Arabon” buyum bozori ro‘parasidagi kesishgan chorraha tomon boshqarib borib, ro‘parasidan qarama-qarshi yo‘nalishdan harakatlanib kelayotgan, haydovchi K.L. boshqaruvidagi Damas rusumli avtomobilining harakat yo‘liga chiqib ketishi oqibatida yo‘l-transport hodisasi sodir etgan.
YTH oqibatida Damas avtomobilida yo‘lovchi sifatida kelayotgan A.A. tan jarohati olib shifoxonaga yotqizilgan.
Mazkur holat yuzasidan Shahrisabz shahar IIB TB tomonidan tergov harakatlari olib borilmoqda.
