Fransiyada suvga cheklovlar joriy etilishi mumkin
Mamlakatga qurg‘oqchilik xavf solyapti.
Fransiyaning atrof-muhit vaziri Kristof Beschuning fikricha, kelgusi qishloq xo‘jaligi mavsumida suv taʼminotining barcha ko‘rsatkichlari “qo‘rqinchli” darajada.
Mart oyidan boshlab mamlakatda suvdan foydalanishga keng qamrovli cheklovlar joriy etilishi kutilmoqda. Joriy yilgi fevral 1959 yildan beri kam yog‘ingarchilik kuzatilgan oy bo‘ldi. Ayni paytda mamlakatda to‘rtta departamentda suv cheklovlari mavjud, yana o‘nta departament alohida nazorat ostida.
Hukumat iqlim o‘zgarishi sababli ichimlik suvi resurslarining kamayib ketishiga barqaror yechim topish uchun suv rejasi ustida ishlamoqda.
