Baxtiyor Saidov “C5+1” vazirlar uchrashuvida qatnashdi
Unda Markaziy Osiyo va AQSH o‘rtasidagi mintaqaviy hamkorlik va sheriklikni yana-da rivojlantirish masalalari muhokama qilingan.
O‘zbekiston Tashqi ishlar vaziri vazifasini bajarayotgan Baxtiyor Saidov Ostona shahrida Markaziy Osiyo davlatlari va AQSH tashqi ishlar rahbarlarining “C5+1” formatidagi vazirlar uchrashuvida ishtirok etdi. Bu haqda u o‘zining Twitter sahifasida maʼlum qildi.
“Qozog‘iston, Qirg‘iziston, Tojikiston, Turkmanistondagi hamkasblarim va AQSH Davlat kotibi Entoni Blinken bilan birgalikda bugun Ostonada “C5+1” vazirlar uchrashuvini o‘tkazdik.
Barchamiz barqaror o‘sish, yashil energiya, atrof-muhitni muhofaza qilish, xavfsizlik kabi masalalar bo‘yicha muloqot orqali hamkorlikni kuchaytirish tarafdori ekanimizni tasdiqladik”, — deya yozgan Saidov.
