Moskvadagi muzeyda Buxoro yahudiylari haqida ko‘rgazma ochildi
Unda 200 ga yaqin eksponatlar namoyish qilingan.
Ekspozitsiyada Markaziy Osiyoga ekspeditsiyalar chog‘ida to‘plangan, turli muzeylar va shaxsiy kolleksiyalardan olingan kiyim-kechak, kundalik turmush va madaniyat buyumlari namoyish etildi.
Muzeyning markaziy foyesida va chap galereyadan 200 ga yaqin eksponatlar — sanʼat va maishiy buyumlar, hunarmandchilik va marosim buyumlari, tumorlar, noyob tarixiy hujjatlar hamda fotosuratlar joy olgan.
Ekspozitsiya markazida XIX–XX boshlarida Samarqand va Buxorodagi anʼanaviy yahudiy uylarining turli bezak elementlarini o‘zida jamlagan buxor-yahudiy oilasining turarjoyi haqida hikoya qiluvchi maxsus installyatsiya tashkil etildi.
