0
Gulistondagi do‘konlarda yong‘in chiqdi
Holat bo‘yicha FVB maʼlumot berdi.
Bugun, 5 mart kuni Sirdaryo viloyatining Guliston shahridagi do‘konlarda yong‘in yuz berdi. Bu haqda viloyat Favqulodda vaziyatlar boshqarmasi xabar berdi.
Qayd etilishicha, soat 4:30 da Guliston shahrining Navoiy shohko‘chasida joylashgan yengil konstruksiyali do‘konlarda taxminan 150 kvadrat metr maydonda yong‘in sodir bo‘lgan.
Voqea joyiga 4 ta yong‘in-qutqaruv ekipaji jalb qilinib, yong‘in soat 05:20 da to‘liq o‘chirilgan.
Hodisa natijasida tan jarohati olganlar yo‘q. Yong‘in sababi va moddiy zarar miqdori aniqlanmoqda.
