0
Ukraina mojarosi yaqin orada tugamaydi— Shols
Germaniya kansleri mamlakatda qurol ishlab chiqarishni doimiy asosda yo‘lga qo‘yishni taklif qildi.
Ukraina nizosi uzoq davom etadi. Bu haqda Germaniya kansleri Olaf Shols maʼlum qildi.
“Bu yana uzoq vaqt davom etishidan xavotirdamiz. Shu bilan birga, har kuni buning aksi bo‘lishini istaymiz”, — degan u.
Kanslerning taʼkidlashicha, mojaro ortidan Germaniyada qurol va o‘q-dori ishlab chiqarishni doimiy asosda yo‘lga qo‘yish kerak.
Ukraina nizosi boshlangach, Berlin o‘z harbiy siyosatini qayta ko‘rib chiqishni boshladi. Germaniya bir tomondan Kiyevga harbiy yordam ko‘rsatayotgan bo‘lsa, boshqa tomondan o‘z qurolli kuchlarini modernizatsiya qilishni kuchaytirdi. Shu maqsadda 100 miliard yevrolik maxsus fond tuzilgan.
