Konstitutsiyaviy qonun loyihasi referendumga qo‘yiladi
Bu deputatlar tomonidan maʼqullandi.
Konstitutsiyaviy qonun loyihasi lingvistik ekspertiza xulosasi talablariga va qonunchilik texnikasi qoidalariga moslashtirildi:
- loyihaning muqaddimasidan tortib har bir moddasining matni adabiy til, imlo, uslubiy, grammatik va orfografiya qoidalariga mos bo‘lishi, atamalarning to‘g‘ri qo‘llanilishi taʼminlandi;
- loyihadagi huquqiy ko‘rsatmalarni bayon etishning tizimli va ketma-ket amalga oshirilishi, jumlalarning sodda va aniq bo‘lishi, normalarni turlicha talqin qilish imkoniyati oldi olinishi nuqtai nazardan qayta ko‘rib chiqildi;
- qonunning rekvizitlari va tarkibiy birliklari to‘g‘ri qo‘llanilganligi, normalarning asossiz takrorlanishiga yo‘l qo‘yilmasligi va o‘zaro ichki ziddiyat keltirib chiqarmasligi nuqtai nazardan tahlil etildi;
- loyihada ilgari Konstitutsiyaning muayyan tarkibiy birligiga mantiqan noto‘g‘ri joylashtirilgan normalar qayta ko‘rib chiqildi va ular tartibga solish predmetiga mos keladigan boshqa moddalarga ko‘chirildi.
"Qonunchilik palatasining 2022 yil 24 iyundagi qarorida belgilaganidek, Konstitutsiyaviy qonun loyihasini fuqarolarning umumxalq ovoziga, yaʼni referendumga qo‘yilishini maqsadga muvofiq deb hisoblaymiz.
Binobarin, xalqimiz taklifi asosida tayyorlangan Konstitutsiyaviy qonunni qabul qilish masalasini ham xalqimizning o‘zi hal qiladi" — Jahongir Shirinov.
