Shaxsning sudlanishi uning qarindoshlariga taʼsir qilmasligi Konstitutsiyada belgilanmoqda
"Ushbu Konstitutsiya to‘g‘ridan-to‘g‘ri ishlaydigan hujjat bo‘lmoqda".
“Bosh Qomusimizga kiritilayotgan ushbu qoida zaxmatkash xalqimizning ko‘p yillar davomida boshiga tushgan tashvish, yaʼni zarracha aybi yo‘q shaxsga nisbatan aybdor sifatida qarash kabi sobiq tuzumdan qolgan sarqitlardan xoli etishga qaratilgan”, deydi u.
«Ushbu Konstitutsiya to‘g‘ridan-to‘g‘ri ishlaydigan hujjat bo‘lmoqda. Yaʼni, endi barcha fuqarolar hattoki o‘zining kundalik hayotida ham Konstitutsiyaga murojaat qiladilar. Undagi barcha normalar, ularni qanday amaliyotda qo‘llashni ochib beruvchi qonunchilik hujjati mavjud yoki mavjud emasligidan qatʼi nazar, to‘g‘ridan-to‘g‘ri ishlaydi.
Konstitutsiya normalarini sudlarda to‘g‘ridan-to‘g‘ri qo‘llash amaliyotini yo‘lga qo‘yish maqsadida, bu masala yuzasidan Oliy sud Plenumining qarorini qabul qilishni taklif etmoqdamiz», — Shirinov.
Odil sudlovga erishish darajasini oshirish va sudyalar mustaqilligini taʼminlashga qaratilgan qoidalar kiritilmoqda.
Sudyaning boshqa organlar va shaxslardan xoli bo‘lishini taʼminlash maqsadida sudyalar muayyan ishlar bo‘yicha hisobdor bo‘lmasligi qatʼiy o‘rnatilmoqda. Bundan tashqari, sudning qayta tashkil etilishi yoki tugatilishi sudyani lavozimidan ozod etish uchun asos bo‘lmasligi belgilanmoqda;
Sud hokimiyatining chinakam mustaqilligini taʼminlash maqsadida sudlar faoliyatini moliyalashtirish faqat davlat byudjetidan amalga oshirilishi kafolatlovchi yangi modda kiritilmoqda, — Jahongir Shirinov.
