AQSH Eronning dron dasturiga ko‘maklashgan Xitoy kompaniyalarini jazoladi
Bu haqda AQSH G‘aznachilik departamenti veb-saytida xabar qilindi.
AQSH G‘aznachilik departamenti veb-saytida aytilishicha, Amerika Eronning uchuvchisiz samolyotlar dasturini qo‘llab-quvvatlagani uchun bir qator Xitoy kompaniyalariga qarshi sanksiyalar kiritmoqda.
Maʼlum qilinishicha, bu Xitoyda joylashgan “beshta kompaniya va bir kishidan iborat tarmoq” bo‘lib, minglab aerokosmik komponentlar, jumladan, Eron aviatsiya sanoati kompaniyasi (HESA) mahsulotlarida qo‘llanilishi mumkin bo‘lgan komponentlarni sotish hamda jo‘natish uchun masʼuldir.
HESA Eron Rossiyaga topshirgan Shahed-136 dronlarini ishlab chiqarish bilan shug‘ullangan.
