ISW: Putin Prigojinni Baxmutdagi muvaffaqiyatsizlikda asosiy aybdor qilib ko‘rsatishi mumkin
Institut tahlilchilari Donbassdagi shaharda asosiy yo‘qotishlar aynan “Vagner”hissasiga to‘g‘ri kelayotganini maʼlum qildi.
RF prezidenti Vladimir Putin va mudofaa vazirligi “Vagner” asoschisi Yevgeniy Prigojinni Baxmutga muvaffaqiyatsiz hujumlar uchun asosiy aybdor qilib ko‘rsatishi mumkin. bu haqda Amerikaning urushni o‘rganish instituti (ISW) maʼlum qildi.
Ekspertlarning fikricha, Putin “vagnerchi”larning katta yo‘qotishlari, past ruhiy holat va harbiy jinoyatlar haqidagi hisobotlardan qurolli kuchlardagi boshqa yirik muammolardan chalg‘itish maqsadida foydalanishi mumkin.
Bundan tashqari, Baxmut ostonasida yirik yo‘qotishlar asosan “Vagner” atrofida yoritilmoqda. Bu esa mudofaa vazirligiga o‘z yo‘qotishlarini kamaytirish yoki yashirish imkonini beradi.
2022 yozidan buyon Baxmutda og‘ir janglar davom etmoqda. Hozirda Donbassdagi asosiy to‘qnashuv nuqtasi ham aynan shu shahar bo‘lib turibdi.
