Avstraliya AQSHdan 5 ta atom suvosti kemasi sotib oladi
Mamlakat bosh vaziri kecha Jozef Bayden va Rishi Sunak bilan uchrashdi.
Avstraliya AQSHdan 5 ta atom suvosti kemasini sotib olmoqchi. Uzoq kelajakda esa London va Vashington bilan yangi avloddagi kemalarni birgalikda qurmoqchi.
Mamlakat bosh vaziri Entoni Albaneze 13 mart kuni AQSH yetakchisi Jozef Bayden va Buyuk Britaniya hukumati rahbari Rishi Sunak bilan Kaliforniyada uchrashgandi.
Albanezening so‘zlariga ko‘ra, gap “Avstraliya tarixidagi mudofaa sohasiga bir vaqtning o‘zida kiritilayotgan eng yirik investitsiya” haqida bormoqda. Loyiha milliy iqtisodiyotni qo‘llab-quvvatlaydi va to‘g‘ridan-to‘g‘ri 20 ming ish o‘rni yaratiladi.
Uchrashuv davomida Bayden Amerika bir necha o‘n yillar davomida Hind-Tinch okeani mintaqasidagi barqarorlikni kafolatlab kelganini taʼkidladi. Uning fikricha, Avstraliyaning AQSH va Buyuk Britaniya bilan atom suvosti kemalari bo‘yicha hamkorligi tinchlik tashabbuslarini uzaytiradi.
