“Butunlay boshqacha mamlakatni ko‘rmoqdaman”
Volker Turk O‘zbekistondagi o‘zgarishlar haqida gapirdi.
BMT Inson huquqlari bo‘yicha Bosh komissari Volker Turk O‘zbekistondagi o‘zgarishlar haqida gapirib, boshqa davlatlarni ham mamlakatdan o‘rnak olishga chaqirdi.
“O‘zbekistonning tarixi rang-barang va boy, va ayni paytda murakkabdir. Men bu o‘lkaga o‘tgan gal Sovet Ittifoqidan endi mustaqillikka erishgandan so‘ng ko‘p o‘tmay tashrif buyurganman va bugun men o‘sha paytdagidan butunlay boshqacha mamlakatni ko‘rmoqdaman. Toshkentda atrofingizga nazar tashlash kifoya.
Bugun men imkoniyatlarga to‘la, jo‘shqin mamlakatni ko‘rmoqdaman.
O‘zbekistonga meros bo‘lib qolgan siyosiy tuzilmalar inson huquqlarini eʼtiborga olmagan. So‘nggi olti yil ichida bu tubdan o‘zgardi. Prezident tashabbusi bilan amalga oshirilayetgan islohotlar keng ko‘lamli sohalarda muhim huquqiy islohotlarni o‘z ichiga oldi: paxta dalalarida majburiy mehnatga barham berish; 76 000 dan ortiq avval fuqaroligi bo‘lmagan shaxslarga fuqarolik berish; Suriya va boshqa yerlardagi lagerlardan 500 dan ortiq ayol va bolalarning qaytarib, olib kelish va qayta integratsiyasini taʼminlash. Men boshqa davlatlarni ham o‘rnak olishga chaqiraman”, — deydi u.
