BAA kompaniyasi Toshkentdagi oqava suvlarini tozalashga yordam beradi
Bu haqda Toshkent shahar hokimligi maʼlum qildi.
BAA kompaniyasining Toshkentda boshlagan loyihasi tayyor bo‘lganda umumiy hisobda sutkasiga 1,5 million metr kub oqava suvlar tozalanadi.
Birlashgan Arab Amirliklarining “Abu Dhabi Sewerage Services Company” kompaniyasi poytaxtdagi oqava suvlarini tozalashga yordam beradi. Bu haqda Toshkent shahar hokimligida bo‘lib o‘tgan uchrashuvda maʼlum qilindi.
Toshkent shahar hokimi v.b Baxtiyor Rahmonov BAAning “Abu Dhabi Sewerage Services Company” boshqaruvchi va bosh ijrochi direktori Ahmad Al Shamsi boshchiligidagi kompaniya mutasaddilari bilan uchrashdi.
Unda Toshkent viloyati Quyichirchiq tumanining “Surum” MFY hududida barpo etilishi rejalashtirilgan Oqava suvlarni yig‘ish va tozalash inshootini loyihalash, qurish, buning uchun zarur infratuzilmani yaratish, mavjud tizimlar bilan integratsiya qilishga oid tashkiliy va texnik masalalar ko‘rib chiqildi.
