Navro‘z bayrami kunlari poytaxtda avtobuslar qay tartibda harakatlanadi?
“Toshshahartransxizmat” jamoat transporti faoliyati tartibini tasdiqladi.
Navro‘z bayrami kunlari Toshkentdagi jamoat transportining harakat tartibi maʼlum bo‘ldi. Bu haqda Toshshahartransxizmat” deya xabar berdi.
Navro‘z bayramini nishonlash maqsadida 18-22 mart kunlari dam olish, 25 mart esa ish kunlari etib belgilanganligi munosabati bilan, jamoat transporti faoliyati tartibi tasdiqlandi.
Jadval:
18 mart — shanba kunlari uchun tasdiqlangan jadvallar asosida;
19, 20, 21, 22 mart — yakshanba kunlari uchun tasdiqlangan jadvallar asosida;
25 mart — ish kunlari uchun tasdiqlangan jadvallar asosida.
Eslatib o'tamiz, prezident farmoniga ko‘ra, 5 kunlik ish haftasida ishlaydigan xodimlar — 5 kun, 6 kunlik ish haftasida ishlaydiganlar – 4 kun dam oladi.
Maʼlumot uchun: Toshkentda Navro‘z bayrami munosabati bilan qator tadbirlar o‘tkaziladi.Tadbirlar 22 martgacha har kuni, 23 martdan 15 aprelga qadar esa haftaning har shanba va yakshanba kunlari soat 18:00 dan 21:00 ga qadar bo‘lib o‘tadi.
